हामी सबैकाे संसारन्यूज

१० चैत्र, बेल्जियम । गैर आवासीय नेपाली संघ राष्ट्रीय समन्वय परिषद (एनआरएनए एनसीसी) बेल्जियमको नियमित बैठक २१ मार्चका दिन सम्पन्न भएको छ ।

संस्थाका अध्यक्ष चित्र सुबेदीको अध्यक्षतामा बसेको सो नियमित बैठकले निम्न निर्णयहरु गरेको महासचिव तिर्थराज धमलाले जानकारी दिएका छन्।

यी हुन् एनआरएनए एनसीसी बेल्जियमको नियमित बैठकले गरेका निर्णयहरुः
१) गैर आवासीय नेपाली संघ बेल्जियमको आगामी अधिबेशनको तयारीका लागी संस्थाका महासचिब तिर्थराज धमलाको संयोजकत्वमा संस्थाका सचिवहरु, कोषाध्यक्ष, महिला संयोजक, युवा संयोजक तथा हरेक क्षेत्रका क्षेत्रिय संयोजकहरु सदस्य रहने गरी सदस्यता बितरण तथा नबिकरण समिती निर्माण गर्ने निर्णय गरेको छ। समितीको लागी सदस्य सचिबको ज़िम्मेवारी संस्थाका सचिब दिपक न्यौपानेलाई दिईएको छ।

२)  क्षेत्रिय संयोजक कारणबस सक्रिय नभएका क्षेत्रहरुमा अन्य सदस्यहरु मध्यबाट ज़िम्मेवारी दिईने निर्णय भएको छ।

३)  गैर आवासीय नेपाली संघको पंजीकृत सदस्य हुन चाहाने ब्यक्तिको आर्थिक गतिबिधी (सदस्यता शुल्क, लेवी, मनोनयन शुल्क वा अन्य कुनै) क्लियर नभएको पाईएमा निजको सदस्यता नबिकरण नगर्ने निर्णय गरिएको छ।

४)  गैर आवासीय नेपाली संघ बेल्जियमले यस अघि नै शुरु गरिसकेको Health Insurance ( Mutualiteit) अभियानका बारेमा अझै पनि बेल्जियमबासी नेपालीहरुमा अझैपनि केही उत्सुकता र अनभिज्ञता देखिएकोले यस अभियानलाई अझ प्रभावकारी बनाउनको लागी एउटा center point बनाई आएका जिज्ञासाहरुलाई तुरुन्त हल गर्ने उद्देश्यले संस्थाका उपाध्यक्ष खड्क के सी संयोजक र संस्थाकै सदस्य मदन दवाडी सदस्य सचिब रहने गरी Health Insurance समन्वय र सहकार्य समिती निर्माण गर्ने निर्णय गरिएको छ।

५) गैर आवासीय नेपाली संघको यस अभियानलाई समन्वय र सहकार्य गरी सफल बनाउन कार्यसमिति सदस्य एवं पदाधिकारी ज्यूहरु, सल्लाहाकार ज्यूहरु, आईसीसी ज्यूहरु, आईसीसी पदाधिकारी ज्यूहरु लगायत सम्पुर्णमा फेरी पनि हार्दिक अनुरोध गर्ने निर्णय गरिएको छ।