मायाको जालो हो तिम्रो, प्रेम यौटा बहाना ।
प्यारो टालो अर्कै तिम्रो, प्रीत कस्तो जमाना ।।
सानो सानो बातै झर्को, गीत मीठो जवानी ।
आलोपालो कस्तो लर्को, रीत कस्तो चलानी ।।१।।
द्यौरालीमा भेटें मैले, बात गर्ने कुरामा ।
मीठा मीठा गरें बातै, घात पार्ने बुरामा ।।
छायाँ हेर्दै काँपे आजै, पात झार्ने मुनामा ।
माया गर्दै सोधेँ साँझै,छाँट हेर्दै कुनामा ।।२।।
स्वार्थी माया बुझ्दै जाँदा, आँत गर्ने स्वभाव ।
छायाँ पारी बस्दै जाँदा, हेर कस्तो प्रभाव ।।
दोटा लाई यौटै पार्दा, हुन्न त्यस्तो अभाव ।
माया भन्ने चीजै त्यस्तो, राख राम्रो सुभाव ।।३।।
इन्द्रेणीको सातै राम्रो, रङ्ग मीठो बिहान ।
वर्षा कालै जम्दै आयो, लाग्छ रङ्गै निशान ।।
वर्षा पूर्वै छाएमा त्यो,हुन्छ वर्षा चिनारी ।
वर्षा पश्चात् आएमा त्यो, रोक्छ कतै विचारी ।।४।।
छन्द – चित्रा
वि.सं.२०७७ चैत १४ शनिवार ०६:४९ मा प्रकाशित