हामी सबैकाे संसारन्यूज

सानो छ्दा म
बुद्ध जस्तै थिएँ रे !

बिस्तारै बिस्तारै
आस्थाले मस्तिष्कमा
घोलिदियो गन्धक जस्तै तीखो हरक

बिस्तारै बिस्तारै
सत्ताले अस्तित्वलाई
बनाई दियो सोडा जस्तै धुलो क्षार

बिस्तारै बिस्तारै
थिचेर तहगत संरचनाले
कोइला जस्तै बनाई दियो सुन्दर पहिचान

जब पढायो
विज्ञानले आगोको समीकरण
हिट+अक्सिजन+फ्युल=“फायर“

घोलिहेरें
आस्था, सत्ता र संरचनाबाट प्राप्त
गन्धक, सोडा र कोइला एकै ठाउँ

ओहो !
गन्धक, सोडा र कोइलाको समिश्रणले
म त बनिसकेको पो रहेछु बिस्फोटक– बारुद

पराकाष्ठामाछ विभेदको घर्षण
बिस्फोट हुन तमतयार छ बारुद

समयले मागे बलिदान
यो बिस्फोटक बारुद
अब हाँसीहाँसी सहिद हुन सक्छ ।