-->
Logo
१९ असार २०७९, आईतवार
     Sun Jul 3 2022
E-paper
  English Edition
   Unicode
Logo

कविताःयुवालाई आह्वान



तिमी हौ एउटा पलाउँदै गरेको सृष्टिको पालुवा
एउटा फक्रँदै गरेको फूल

टेकेर यही माटो
टेकेर आमाको काख
चढ्नु लक्षित उकालीहरु
चढ्नु सफलताका शिखरहरु

तिमीलाई यही पाखा पखेरामा फुल्ने
बुकी र लालीगुंरासले झक्झक्याउँछन्
यही पहाडका कन्दरामा फुल्ने
लालुपाते र प्याउलीले डोहो¥याउँछन्
भर्छन् सुन्दरताको सुवास र भन्छन् –
हे युवा ! तिमी यही माटोमै फुल्नु
तिमीभित्र माटो फुल्छ
तिमी यही देशमै फुल्नु
तिमीभित्रै देश फुल्छ
तिमी यही धर्तीमा फुल्नु
तिमीभित्रै सिङ्गो धर्ती फुल्छ

खेल्नु तिमी माटोसँगै पलपल
तिमीसँगै खेल्छन् आँकुराहरु
बगाउनु पसिना माटोमै
भिजाउनु माटोको आँत
मेटाउनु प्यास खडेरीमा
मौलाउँछन् तिमीसँगै मुनाहरु

भन्छन् नदीहरु–
नबग्नु सिमापारि बगाएर आमाको आँखा
नटेक्नु सिमापारि भत्काएर मनको डिल
समेट्नु बगेको आमाको सपना
उभ्याउनु भत्केको मनको डिल

चलाउनु माटोमा कुटो र कोदाली
खनिखोस्री सम्याउनु माटो
उठाउनु ड्याङ
र रोप्नु सपनाका बिउबिजन
उमार्नु आशाका आँकुराहरु

हे युवा !
तिमी नै हौ शक्ति यो देशको
फुलाउनु तोरी र काउनो
फलाउनु माटोभरी सपना
भर्नु अभिलाषाको रित्तो भकारी ।


यो खबर पढेर तपाईलाई कस्तो महसुस भयो ?

काठमाडौं । नेकपा एमालेले पार्टीका विभिन्न केन्द्रीय विभागका सचिविहरु मनोनयन गरेको छ । पार्टीको

काठमाडौं । स्थानीय तहको निर्वाचनमा नेकपा (माओवादी केन्द्र)ले मधेश प्रदेश निकै नै अनपेक्षित नतिजा

काठमाडौं । नेकपा माओवादी केन्द्रको केन्द्रीय समितिको बैठक आजदेखि सुरु भएको छ । काठमाडौंको

काठमाडौं । नेपाल प्रहरीले जनपद तर्फको प्रहरी जवान पदमा ठूलो संख्यामा भर्ना खुलाएको छ