Sansar News
१६ चैत, काठमाडौं । पछिल्लो २४ घण्टामा देशैभरी गरिएको ३ हजार १२२ नमुना परीक्षणमा १४१ जनामा कोरोना संक्रमण पुष्टि भएको छ ।
आज सबैभन्दा बढी काठमाडौंमा ५०, कास्कीमा २९, कैलालीमा १०, बागलुङमा ७ र ललितपुरमा सातजना संक्रमित थपिएका हुन् ।
आज थपिएका १४१ जनासँगै नेपालमा कोरोना संक्रमितको कूलसंख्या २ लाख ७६ हजार ९८० पुगेको छ ।
त्यसैगरी आज देशैभरी ८२ जना कोरोना संक्रमणबाट मुक्त भएका छन् । आज निको भएका ८२जनासँगै नेपालमा कोरोना संक्रमणबाट मुक्त हुनेको कूलसंख्या २ लाख ७२ हजार ६१२ पुगेको छ । निको हुनेको यो दर ९८.४ प्रतिशत हो ।
त्यस्तै पछिल्लो २४ घण्टामा संक्रमणबाट निधन हुनेको संख्या शून्य रहेको छ । स्वास्थ्य तथा जनसंख्या मन्त्रालयका अनुसार हालसम्म कोरोना संक्रमणबाट ज्यान गुमाउनेको संख्या ३ हजार २७ रहेको छ ।
त्यस्तै देशैभरी सक्रिय संक्रमितको संख्या १३४१ रहेको छ भने क्वारेन्टिनमा रहनेको संख्या ५६ रहेको छ ।
त्यसैगरी हालसम्म पिसीआर प्रविधिबाट २२ लाख ६४ हजार २६८ कोरोनाका नमुना परीक्षण गरिएको छ ।
पछिल्लो २४ घण्टामा थपिए ८९ कोरोना संक्रमित, ९५ जना संक्रमणबाट मुक्त
वि.सं.२०७७ चैत १६ सोमवार १५:५१ मा प्रकाशित
