हामी सबैकाे संसारन्यूज

वैशाख १५, पोखरा । गण्डकी प्रदेशका मुख्यमन्त्री पृथ्वीसुब्बा गुरुङविरुद्व दर्ता अविश्वासको प्रस्तावमाथि मतदान गर्ने अन्तिम समय राष्ट्रिय जनमोर्चाका सांसद हराएपछि प्रदेशसभा बैठक स्थगित भएको छ । प्रदेश सभाका सचिव हरिराज पोखरेलका अनुसार राष्ट्रिय जनमोर्चाको अनुरोधमा बैठक स्थगित गरिएको हो ।

राष्ट्रिय जनमोर्चाले मतदानको अन्तिम समय सम्पर्कबिहिन बनेका सांसद खिमविक्रम शाहीको अवस्था सार्वजनिक नभएसम्म बैठक स्थगित गर्न निवेदन दिएको थियो । राजमाेकाे निवेदनपश्चात प्रदेशसभाका सभामुख नेत्रनाथ अधिकारीले अनिश्चितकालका लागि बैठक स्थगित गरेका हुन् ।

प्रदेशसभा समक्ष राजमोले सांसद शाहीको खोजीनीति गर्न पनि निवेदन गरेको छ । प्रदेशसभामा राजमाेका ३ सांसद छन् । अविश्वासकाे प्रस्ताव पास गर्न राजमाेकाे मत निर्णायक छ ।

सम्बन्धित समाचार

गण्डकीमा जनमोर्चाका सांसद सम्पर्कविहिन, मतदान भए अविश्वास प्रस्ताव असफल हुने