हामी सबैकाे संसारन्यूज

२५ साउन, बहराइन । गैरआवासीय नेपाली संघ अन्तराष्ट्रिय समन्वय परिषद् ( एनआरएनए) बहराइनको अध्यक्षमा पुनः लक्ष्मी गिरी भारी मतसहित निर्वाचित भएकी छन् ।

शुक्रबार सम्पन्न संघको निर्वाचनमा गिरीले १,२६५ मत खसेकोमा ९५६ मत ल्याएर विजयी भएकी हुन् । गिरीका प्रतिद्धन्द्धी रहेका सुवास केसीले ३०९ मत प्राप्त गरेका थिए ।

त्यसैगरी संघको वरिष्ठ उपाध्यक्षमा अमर श्रेष्ठ र उपाध्यक्षहरुमा तिर्थ भण्डारी, युवराज प्याकुरेल र महिला उपाध्यक्षमा कृष्ण कुमारी गुरुङ निर्विरोध निर्वाचित भएका छन् भने महासचिवमा राजकुमार श्रेष्ठ, सचिवमा विरेन्द्र बुढाथोकी र कोषाध्यक्षमा भावना आचार्य निर्वाचित भएका छन् ।

त्यस्तै समितिको सहकोषाध्यक्षमा दीप विक्रम राना, युवा संयोजकमा सन्त कुमार न्यौपाने तथा सदस्यहरुमा तिलक बहादुर कार्की, दीपक बहादुर दर्जी, शुसीला क्षेत्री, रुद्रमणि उप्रेती, मिना तामाङ, फलामसिंह लामा र सूर्य भण्डारी पनि निर्विरोध निर्वाचित भएका छन् ।
बहराइनबाट संघको आइसीसी सदस्यका लागि दिनेश बहादुर बस्नेत पनि निर्विरोध निर्वाचित भएका छन् ।

राजकु्मार बस्नेत संयोजक, छविलाल वि.क र झहरमान थेवे सदस्य रहेको निर्वाचन समितिले संघका केही पदमा निर्वाचन प्रक्रियाद्धारा तथा केही पदहरु निर्विरोध निर्वाचित भएको घोषणा गरेको हो ।