Sansar News
२९ जुलाई, इटाली । गैरआवासीय नेपाली संघ राष्ट्रिय समन्वय परिषद् (एनआरएनए) इटालीको अध्यक्षमा छविलाल कंडेल निर्विरोध निर्वाचित भएका छन् ।
जुलाई २५ मा सम्पन्न परिषद्को सातौं अधिबेशनले कंडेलेको नेतृत्वमा २०२१–०२३ का लागि नयाँ कार्यसमितिको चयन गरेको हो ।
संघका अध्यक्ष देवराज गुरुङको सभापतित्व स्विजरल्याण्डका लागि नेपाली राजदूत मणिप्रसाद भट्टराईको प्रमुख आतिथ्यता, इटालीको लागि नेपाली काउन्सीलर पाओलो नुगारीको बिसेष आतिथ्यता तथा एनआरएनएका केन्द्रीय अध्यक्ष कुमार पन्त, महासचिब डा. हेमराज शर्मा, युरोप संयोजक नारायण आचार्य, आइसीसी सदस्य दिपेश कुमार रेग्मी, एनआरएनए इटालीका पूर्वबरिष्ठ सल्लाहकार रिचार्ड भण्डारी लगाययतको आतिथ्यतामा अधिबेशन सम्पन्न भएको थियो ।
निर्बाचन संयोजक मनोजकुमार कार्कीका अनुसार उम्मेदवारी नामावाली दर्ता गर्ने समयअवधिसम्म पदहरुमा दोहोरो उम्मेदवारी नपरेकाले सबै उम्मेदवारहरु निर्विरोध भएको बताइएको छ ।
उक्त नयाँ कार्यसमितिको उपाध्यक्षमा भुवन नियोग लिम्बु, महासचिवमा भवेश कुमार सिंह, सचिवमा अशोक उप्रेती, कोषाध्यक्षमा दीर्घामाया मगर, महिला संयोजकमा बिना मगराती, युवा संयोजक श्याम खरेल र सदस्यमा सरज कार्की निर्विरोध भएका हुन् । रिक्त रहेका अन्य पदहरुमा नयाँ कार्यसमितिले चयन गर्दै जाने बताइएको छ ।
त्यस्तै परिषद्ले संघको आइसीसी सदस्यका लागि राजन चापागाईँलाई चयन गरेको छ ।
वि.सं.२०७८ साउन १४ बिहीवार १३:०४ मा प्रकाशित
