हामी सबैकाे संसारन्यूज

१७ साउन, काठमाडौं । नेपालमा आज २५६८ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ८४०२ पिसीआर र ४,२३४ ऐन्टिजेन गरी १२,६३६ वटा नमुना परीक्षणमा २५६८ जना संक्रमित थपिएका हुन् । शनिवारको तुलनामा संक्रमित हुनेको संख्या झण्डै ६ सयले कमी हो ।

काठमाडौंमा ५९४ ललितपुरमा १६६ र भक्तपुरमा ९१ गरी उपत्यकामा आज उपत्यकामा ८०६ नयाँ संक्रमित थपिएका छन् ।

नेपालमा हालसम्म ३६ लाख ११ हजार ८६७ पिसीआर र ऐन्टिजेन विधिबाट गरिएको ३ लाख २२ हजार ६०१ गरी ४१ लाख ३० हजार ६७१ नमुना परीक्षणमा हालसम्म ७ लाख ५९ हजार ३०७ जना संक्रमित भएको मन्त्रालयले जनाएको छ ।

त्यसैगरी पछिल्लो घण्टामा देशैभरी २०२० जना कोरोना संक्रमणबाट मुक्त भएका छन् । आज निको भएका २०२०जनासँगैै नेपालमा कोरोना संक्रमणबाट मुक्त हुनेको संख्या ६ लाख ५६ हजार १९७ रहेको छ ।

त्यस्तै पछिल्लो २४ घण्टामा १८ जना कोरोना संक्रमितको मृत्यु भएको छ । आज थपिएका १८ जनासँगै नेपालमा हालसम्म ज्यान गुमाउनेको संख्या ९,८७५ पुगेको मन्त्रालयद्धारा जारी विवरणमा उल्लेख छ ।

नेपालमा हालसम्म ३१ हजार २९८ जना संक्रिय संक्रमित रहेको मन्त्रालयले जनाएको छ । ती मध्ये २८ हजार ६३ जना होम आइसोलेशन र ३,२३५ जना संस्थागत आइसोलेशनमा रहेका छन् ।

त्यस्तै हाल देशैभरीका विभिन्न अस्पतालमा ६७७ जना आइसीयु र १६९ जना भेन्टिलेटरमा रहेका छन् ।

आज देशैभरी ३,१०६ जनामा कोरोना संक्रमण, २३ जनाको मृत्यु