हामी सबैकाे संसारन्यूज

१
बेला बेलामा यो मन दुखाई पहिरो किन जान्छ
बरफिलो भई कसैले सायद पीडालाई धान्छ।
२
बुइ चढेर जीवन कति दिन बिताउँछौ
एकदिन हेर्दा हेर्दै आफैँलाई बिसाउँछौ।
३
गहिरा विचारमा डुबेर हिरा निकाल्न सकिन्छ
सबैको दिलमा उदाइरहने चन्द्रमा बनिन्छ।
४
सुनाउदै जाऊ महफिलमा रमाइला टुक्का
रमाएर भावना संसारमा सुर्काउँदै हुक्का।
५
पर्ख एकछिन भनी अनुरोध पस्के
नखरा देखाई खोजी भाउ किन ठस्के।
६
चियाई हेरेँ कतिकति आइरहेकी छिन् कि भनी
झझल्को मात्र यादको खेल्यो मनमा तरङ्ग बनी।
७
हेरेँ नभमा उदाएर हेरिरहेकी
मायाँ को सागरमा डुबी प्रीत गरेकी।
८
नगर नारीलाई जिस्की अपमान
हुन्छ बिनाश भविष्य र वर्तमान।
९
भाग्यको रेखा कोरिरहन्छौँ आफ्नै बलबुताले
नठान भर बनाएर मन साह्रै अल्छी खाले
१०
हतियार नै किन चाहियो अब पनि विचारले हिर्काऊ
वरपर देश भित्रका शत्रुलाई छिनभरमै ढलाऊ।