Sansar News
२३ साउन, पोखरा । कोरोना संक्रमणबाट गण्डकी प्रदेशमा शनिवार ५ जनाको मृत्यु भएको छ । प्रदेशको स्वास्थ्य निर्देशनालयका अनुसार मृत्यु हुनेमा कास्कीमा ३ तथा लमजुङ र नवलपरासीपूर्वका १÷१ जना गरी ५ जनाको मृत्यु भएको हो ।
शनिवार थपिएका ५ जनासँगै प्रदेशमा हालसम्म ज्यान गुमाउनेको संख्या ११२८ पुगेको छ ।
त्यस्तै प्रदेशमा शनिवार म्याग्दीमा २४, पर्बतमा २, गोरखामा १०९, लमजुङमा २७, तनहुँमा ९६, कास्कीमा १८३, वाग्लुङमा ५४, स्याङजामा १४ र नवलपरासीपूर्वमा ६४ जना गरी ५७३ जना नयाँ संक्रमित थपिएका छन् । ती मध्ये २८५ जना महिला र २८८ जना पुरुष रहेका छन् । प्रदेशमा शुक्रवारको तुलनामा शनिवार संक्रमितको संख्या केही घटेको हो ।
निर्देशनालयद्धारा जारी विवरण अनुसार शनिवार थपिएका संक्रमितमध्ये सबैभन्दा बढी कास्कीमा १८३ जना नयाँ संक्रमित थपिएका हुन् ।
शनिवार थपिएका ५७३ जनासँगै प्रदेशमा हालसम्म ७१ हजार ५४१ जनामा कोरोना संक्रमण पुष्टि भएको छ भने ती मध्ये ६४ हजार ५३९ जना निको भइसकेका छन् । शनिवार ५७३ जना संक्रमणबाट मुक्त भएका हुन् ।
निर्देशनालयका अनुसार प्रदेशमा हाल ५ हजार ८७४ सक्रिय संक्रमित रहेका छन् । ती मध्ये होम आइसोलेशनमा ५५१४ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको छ ।
गण्डकी प्रदेशमा एकैदिन थपिए ७०१ कोरोना संक्रमित, ५ जनाको मृत्यु
वि.सं.२०७८ साउन २३ शनिवार १७:२७ मा प्रकाशित
