Sansar News
४ भदौ, कन्चनपुर । कञ्चनपुरका शिक्षक र प्रहरीवीच झडप हुँदा दर्जनौं घाईते भएका छन् ।
दरबन्दी मिलानको विषयलाई लिएर आन्दोलित शिक्षकहरुले भीमदत्त नगरपालिकाको मुलगेटमा लगाएको ताला प्रहरीले खोल्ने क्रममा भएको झडपमा प्रहरीसहित १७ जना घाईते भएका छन् ।
जिल्ला प्रहरी कार्यालय कन्चनपुरका अनुसार घाइते हुनेमा ९ जना प्रहरी, ६ जना शिक्षक र २ जना नगरपालिकाका कर्मचारी रहेका छन् ।
जिल्ला प्रहरी कार्यालय कन्चनपुरका प्रमुख तथा प्रहरी उपरीक्षक उमाप्रसाद चतुर्वेदीका अनुसार नगरपालिकाको मुलगेटमा लगाएको ताला प्रहरीले खोल्ने क्रममा झडप भएको थियो । प्रहरीलाई नै कोठाभित्र थुनेर ताला लगाइदिएपछि बल प्रयोग गर्न बाध्य भएको चर्तुवेदीले बताएका छन् ।
वि.सं.२०७८ भदौ ४ शुक्रवार १५:०९ मा प्रकाशित
