Sansar News
१४ भदौ, काठमाडौ । लघु वित्तले कर्मचारी मागेको छ ।
जाल्पा सामुदायिक लघुवित्त वित्तीय संस्था लिमिटेड, पोखराले कर्मचारीको माग गरेको हो । संस्थाले सोमबार एक सूचना जारी गर्दै कनिष्ठ अधिकृत ¬(शाखा प्रवन्धक) र बरिष्ठ सहायक (शाखा प्रवन्धक) पदका लागि केहि संख्यामा कर्मचारी माग गरेको छ ।
संस्थाले अधिकृत पदको हकमा प्रवीणता प्रमाणपत्र वा सो सरहको परीक्षा उत्र्तीण गरी बैंक तथा वित्तीय संस्थामा बरिष्ठ सहायक पदमा कम्तीमा ३ बर्ष वा सुपरभाईजार पदमा कम्तीमा २ बर्षको कार्य अनुभव भएको हुनुपर्ने र उमेरको हकमा २१ वर्ष देखि ४० वर्ष ननाघेको हुनुपर्ने उल्लेख गरेको छ ।
यस्तैगरी, बरिष्ठ सहायक पदको हकमा एस.एल.सी. वा सो सरहको परीक्षा उत्र्तीण गरी बैंक तथा वित्तीय संस्थामा सहायक पदमा कम्तीमा २ वर्ष वा कनिष्ठ सहायक पदमा कम्तीमा ३ बर्ष कार्य गरेको अनुभव र १८ वर्ष देखि ३५ वर्ष उमेर ननाघेको हुनुपर्ने सूचनामा उल्लेख छ ।
योग्यता पुगेका इच्छुक नेपाली नागरिकले आवश्यक कागजात सहित दरखास्त फारम भर्न सक्ने छन् । थप जानकारीका लागि संस्थाको वेवसाइट WWW.jalpaf.com मा सम्पर्क गर्न सकिने छ ।
वि.सं.२०७८ भदौ १४ सोमवार १४:२५ मा प्रकाशित
