हामी सबैकाे संसारन्यूज

(१)
भित्रभित्रै आजकल यहाँ आत्मा मेरो मरेको छ
माया तिमीले नबुझ्नाले चोट यहाँ परेको छ
हरदम तिम्रै यादमा बस्दा तिमीले वास्ता नगरेसी
कयौं पल्ट भक्कानिएर आँशु मेरो झरेको छ

(२)
तिम्रो लागी कति रोए कति छुटे इष्ट मित्र
सबै भन्दा बढी माया गर्थे तिम्लाई मूटु भित्र
तिमीले कहाँ बु्झेयौर खै ! निस्वार्थ त्यो माया
हट्न कहाँ सक्छर खै ! मुटुभित्र छापिएको चित्र

(३)
देश बनाउने जस्ता बुद्धिजिविहरु नेता बन्नबाट हटे किन
स्वार्थ मै झुल्ने बुढा नेता देशको कुर्चीमा सधैं खटे किन
पुरानै नेताको कुर्सी मोहले कहिले काँचुली फेर्ने देशले
लौन जाग युवा हो देश निर्माणमा सहयोगी हात घटे किन

(४)
लक्ष्यमा पुग्ने त आफैले काम गरेर हो
दुःख बुझने भनेको दुःखमा मात्र परेर हो
मुटु भित्र गडेको याद कहाँ भुलिन्छ र
भुल्ने त केबल सदाको लागि मरेर हो

(५)
सबैले भन्छन् चिन्ता पिर नगर नरोउ भनेर
मूटु भित्रको पिडा बेदना कहाँ सक्छु र गनेर
आफन्त गुमाउनुको पिडा असैह्य छ मनभरि
सक्नेभए सबै आत्मा फिर्ता दिन्थे यमदूत बनेर