हामी सबैकाे संसारन्यूज

१४ भदौँ, काठमाडौँ । भारतीय क्रिकेट टिमका पुर्वकप्तान तथा खेलाडी महेन्द्र सिंह धोनीले महत्वपूर्ण जिम्मेवारी पाएका छ । भारतीय क्रिकेट र्बोड (बिसीसीआई) ले पूर्वकप्तान महेन्द्रसिंह धोनीलाई विश्वकपको टिममा मेन्टरका रुपमा नियुक्त गरेको छ । धोनी मेन्टर भएसंगै भारतीय टिम झन् बलियो देखिएको छ ।

बीसीसीआईका सचिव जय शाहले टिमका कप्तान विराट कोहली, उपकप्तान रोहित शर्मा र प्रशिक्षक रवी शास्त्रीसँगको छलफलपछि धोनीलाई मेन्टरका रुपमा नियुक्त गरिएको बताएका छन ।

भारतले २००७ मा पहिलो पटक टि-२० विश्वकपको उपाधी महेन्द्र सिंह धोनीकै कप्तानीमा जितेको थियो । भारतले फाइनल खेलमा पाकिस्तानलाई हराउँदै उपाधि जितेको थियो ।

विराट कोहलीको कप्तानीमा बिसीसीआईले टि-२० विश्वकपमा सहभागि हुने १५ खेलाडीहरुको नाम सार्वजनिक गरेको छ । कोरोना महामारीको कारण भारतबाट युएई सरेको विश्वकप अक्टोबर १७ बाट सुरु हुदैँछ । भारतले आफ्नो पहिलो खेल पाकिस्तान विरुद्ध खेल्नेछ । यी दुई टिम बिचको खेल अक्टोबर २४ मा हुनेछ ।

टि-२० विश्वकपको लागि भारतको टिम :
विराट कोहली (कप्तान), रोहित शर्मा (उपकप्तान), केएल राहुल, सूर्यकुमार यादव, ऋषभ पन्त, इशान किशन, हार्दिक पाण्डय, रविन्द्र जडेजा, राहुल चाहर, रविचन्द्र आश्विन, अक्षर पटेल, वरुण चक्रवर्ती, जसप्रीत बुमराह, भुवनेश्वर कुमार र मोहमद शामी ।