हामी सबैकाे संसारन्यूज

चिसोको मौसम छ । देशैभरी दिनप्रतिदिन चिसो बढ्दै गइरहेको छ । चिसोको मौसममा बृद्धबृद्धा र बालबालिकाको स्वास्थ्यमा विशेष ध्यान दिनुपर्ने स्वास्थ्यविज्ञ बताउँछन् ।

चिसोको मौसममा बालबालिकाहरुमा विशेष गरेर फ्लु तथा निमोनिया, बढी हुने हुनाले उनीहरुको स्वास्थ्यमा विशेष ध्यान दिन सुझाव दिन्छन् स्वास्थ्य विज्ञ । चिसोमा बालबालिकालाई खोकी बढी लाग्ने र त्यसको असर लामो समयसम्म रहने गर्दछ ।

बालबालिकामा लामो समसम्म रुघाखोकी लागिरहेमा यसलाई सामान्यरुपमा नलिएर तत्कालै अस्पताल लैजान पनि स्वास्थ्यविज्ञ सुझाव दिन्छन् ।

यसरी दिनुहोस् बालबालिकाको स्वाथ्यमा ध्यान
-बालबालिकाको शिर छोपिने गरी राम्रोसँग न्यानो कपडा लगाइदिनुहोस् ।

-सुत्ने बेलामा पूरै शरिर छोपिने गरी न्यानो कपडा ओढाइदिनुहोस् । यदि बच्चाले निदाएको बेलामा ओढेको कपडा फ्याक्ने बानी छ भने सुत्नेबेलामा न्यानो कपडा लगाइदिएर सुताउनुहोस् ।

-जुन स्थानमा धेरै चिसो छ त्यस्ता स्थानमा बालबालिकालाई नलैजानुहोस् ।

-चिसोको बेला झ्याल र ढोकाको नजिक धेरै समय बालबालिकालाई बस्न नदिनुहोस् । बालबालिकाको खानामा तातो चिज समावेश गर्नुहोस् ।
-बालबालिकालाई दिनहुँ एउटा अन्डा खुवाउनुहोस् । राति सुत्नुभन्दा पहिलो थोरै बेसार राखेर तातो दूध पिउन दिनुहोस् ।