हामी सबैकाे संसारन्यूज

भक्तपुर । भक्तपुर नागपोखरी बस्ने काभ्रेपलाञ्चोक नमोबुद्ध नगरपालिका-९ नवलडाँडाकी जेनिशा नगरकोटीको धारिलो हतियारले घाँटी रेटी भएको हत्यामा संलग्न भएको आरोपमा २ जना पक्राउ परेका छन् । पक्राउ पर्नेहरुमा भक्तपुर नगरपालिका-१० थलाछे बस्ने काभ्रेपलाञ्चोक नमोबुद्ध नगरपालिका-२ भकुण्डेवेशीका रमेश भन्ने कुमार लामा र भक्तपुर नगरपालिका-८ महेश्वरी बस्ने काभ्रेपलाञ्चोक भुम्लु गाउँपालिका-४ चौवासका नवराज रिजाल रहेका छन् ।

चाँगुनारायण नगरपालिका-७ बागरेस्थित तरकारी खेती बारीमा रहेको टहराभित्र घाँटी रेटी हत्या भएको अवस्थामा गत सोमबार जेनिशा नगरकोटीको शव फेला परेको घटनाको अनुसन्धान गर्ने क्रममा उनीहरूलाई बुधवार प्रहरीले पक्राउ गरेको हो ।

उनीहरू माथी भक्तपुर जिल्ला अदालतबाट कर्तब्य ज्यान मुद्दामा ७ दिन म्याद थप गरी  अनुसन्धान भइरहेको प्रहरीले जनाएको छ ।