हामी सबैकाे संसारन्यूज

काठमाडौं । धेरै अस्वस्थ जीवनशैलीले हाम्रो स्वास्थ्यलाई गम्भीर असर पारेको हुन्छ । निद्राको समस्या पनि ती मध्ये एक हो। हामीमध्ये धेरैजसो मानिस टिभी हेर्ने, मोबाइलमा गेम खेल्ने जस्ता बानीका कारण राती अबेरसम्म जाग्ने गर्छौं । कतिपय १–२ बजेसम्म नै जाग्ने गरेको पाइन्छ ।

स्वास्थ्य विशेषज्ञहरु यो बानी स्वास्थ्यका लागि निकै हानिकारक छ । विज्ञहरूका अनुसार राति अबेरसम्म बस्ने बानीले निद्रा चक्रमा असर पार्छ, जसका कारण पर्याप्त निद्रा आउँदैन । निद्राको कमी शारीरिक र मानसिक स्वास्थ्यका लागि निकै गम्भीर रहेको अध्ययनले देखाएको छ ।

कम सुत्ने समस्याका मानिसमा सर्काडियन रिदम स्लीप डिसअर्डरको समस्याहरू देखिन्छन् । जसका कारण सुत्न गाह्रो हुने, बारम्बार निन्द्रा नलाग्ने र रातमा निदाउन नसक्ने हुन सक्छ ।

निद्रा गडबडी गम्भीर स्वास्थ्य जोखिमसँग सम्बन्धित छ। यही कारणले गर्दा सबैलाई राती सात/आठ घण्टा निर्बाध सुत्न सल्लाह दिइन्छ। आउनुहोस् जानौं ढिलो उठ्ने र पर्याप्त निद्रा नपुग्दा शरीरमा कस्तो असर पर्छ ?

हृदय रोगको जोखिम बढ्छ

स्वास्थ्य विज्ञहरूका अनुसार राति अबेरसम्म बस्नु र अपर्याप्त निद्राले मुटुको स्वास्थ्यमा प्रत्यक्ष असर पार्न सक्छ। युरोपियन हार्ट जर्नलमा प्रकाशित एक विश्लेषण अनुसार रातमा ५ घण्टाभन्दा कम र रातमा ९ घण्टाभन्दा बढी सुत्नु दुवैले मुटुको स्वास्थ्यमा नकारात्मक असर गर्छ । विशेष गरी, निद्राको कमीले कोरोनरी हृदय रोग वा स्ट्रोकको जोखिम बढाउँछ। समयमै सुत्नु र समयमै उठ्नु दुवै स्वास्थ्यका लागि आवश्यक छ ।

मानसिक समस्या

राति पर्याप्त निद्रा नआउनुको कारण मानसिक स्वास्थ्य र मस्तिष्कको क्षमतालाई पनि असर गर्न सक्छ। एक्सपेरिमेन्टल ब्रेन रिसर्चले प्रकाशित गरेको अध्ययनमा १८ पुरुषको समूहलाई दुईवटा काम दिइएको थियो। पहिलो काम राम्रो निन्द्रा पछि गर्नु पर्ने थियो भने दोस्रो काम पहिले रातभर जाग्राम बस्न भनिएको थियो । अन्वेषकहरूले पत्ता लगाए कि एक रातको निद्राको कमीले सहभागीहरूको स्मरणशक्ति, निर्णय गर्ने र तर्क गर्ने क्षमतालाई असर गर्छ। लगातार निद्राको कमीले व्यक्तिको मानसिक स्वास्थ्यमा गम्भीर नकारात्मक प्रभाव पार्न सक्छ।

कम सुत्ने मानिसमा यौन इच्छा कम

पर्याप्त निन्द्राले तपाईंको सेक्स ड्राइभ कम गर्न सक्छ। एक अध्ययनले एक हप्तासम्म पर्याप्त निन्द्रा नपुगेका पुरुषहरूमा टेस्टोस्टेरोनको स्तर घटेको देखाएको छ।

५ वा त्यसभन्दा कम घण्टा सुत्दा सेक्स हर्मोनको मात्रा १० देखि १५ प्रतिशतले कम हुन्छ । हरेक रात निद्राको कमीले तपाईंको मुड र जोशमा लगातार गिरावट ल्याउन सक्छ। यही कारणले गर्दा सबै मानिसहरूलाई समयमै पर्याप्त सुत्न सल्लाह दिइन्छ। एजेन्सीबाट