हामी सबैकाे संसारन्यूज

लक्ष्मी स्मृति, बिराटनगर, मोरङ

१
बासी भातलाई फ्राईङ्ग राईस रे कस्तो अचम्म छ
त्यहि खाँदा पनि भेरी नाईस रे कस्तो अचम्म छ
मासुसँग भुटेको भात मस्त चपाएको देखे पछि,
आहा बिरयानी कहाँ पाईस रे कस्तो अचम्म छ ।

२
मिठा मिठा बात खोज्छन माया लाउनेहरु
फगत मधुर रात खोज्छन माया लाउनेहरु
फकाई फकाई अन्तरंग सबै हर्छन पहिला
अन्तमा चाँहि जात खोज्छन् माया लाउनेहरु ।।

३
सँधैभरि यहाँ यस्तो रिती किन हुन्छ होला
अबुझ जस्तै परिस्थिति किन हुन्छ होला
जो पुग्छन् आफ्नै मान्छे मात्रै पो च्याप्छन्
यस्तो स्वार्थी राजनीति किन हुन्छ होला ।

४
घरि आँखा सन्काउँछन्,घरि मुख बङ्ग्याउँछन्
जिउभरी अनेक खोपी सारा शरिर रङ्ग्याउँछन्
हेर्दा हेर्दै प्रतिश्पर्धाको समय पनि कस्तो आयो
छोप्नु पर्ने अङ्ग उघारी आँफैलाई नङ्ग्याउँछन् ।

५
मनभरी मात्र बिकार कोच्ने मेरै मान्छे होलान्
घरि घरि यो दिलमा घोच्ने मेरै मान्छे होलान्
छाडिदेऊ अरुको हिम्मत कहाँ हुन्छ र यस्तो
मेरो बारेमा खराब सोच्ने मेरै मान्छे होलान् ।