Sansar News
काठमाडौं । कामना सेवा विकास बैंकले क्रेडिट कार्ड सेवा संचालनमा ल्याएको छ । बैंकले सोमबारबाट औपचारिक रुपमा क्रेडिट कार्ड जारी गरेको हो ।
विकास बैंकमा पहिलोपटक क्रेडिट कार्ड सेवा सञ्चालनमा ल्याइएको बैंकले दावी गरेको छ ।
बैंकका अध्यक्ष सुदिप आचार्य र सञ्चालक विश्वेश्वर सुवेदीले संयूक्त रुपमा क्रेडिट कार्ड सेवाको उद्घाटन गरे ।
सो अवसरमा अध्यक्ष आचार्यले विकास बैंकहरुमाझ नयाँ खालको प्रोडक्ट ल्याई सेवा प्रवाह गर्न कामना सेवा सधैं अगाडि रहेको बताए ।
पोइन्ट अफ सेलमार्फत क्रेडिट कार्ड कारोबार गर्दा कारोबार सुरक्षित रहने, भिजा कार्ड स्वीकार्ने एटीएमबाट नगद झिक्न सकिने, भुक्तानी गर्दा न्यूनतम नेपाली रूपैयाँ १ हजार अथवा जम्मा डेबिट रकमको १० प्रतिशतसम्म झिक्न सकिने छ ।
कार्डबाट वस्तु वा सेवा खरिद कारोबार गर्दा न्यूनतम् १५ देखि ४५ दिन सम्म ब्याज नलाग्ने, कार्डको सीमा नेपाली रूपैयाँ १५ हजार देखि ५ लाखसम्म रहेको बैंकले जनाएको छ ।
वि.सं.२०७८ चैत २२ मंगलवार ०७:२६ मा प्रकाशित
