Sansar News
काठमाडौं । नेपालमा आज थप १९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३८२१ नमुना परीक्षणमा १९ जनामा कोरोना संक्रमण पुष्टि भएको हो ।
आज थपिएका १९ जनासँगै नेपालमा हालसम्म कोरोना संक्रमित हुनेको संख्या ९ लाख ७८ हजार ८८४ पुगेको छ ।
त्यस्तै पछिल्लो २४ घण्टामा १८ जना संक्रमणबाट मुक्त भएका छन् । आज निको भएका १८ जनासँगै नेपालमा हालसम्म निको हुनेको संख्या ९ लाख ६६ हजार ७१५ पुगेको छ ।
त्यस्तै नेपालमा आज १ जनाको कोरोना संक्रमितको मृत्यु भएको छ । आज मृत्यु भएका एकजनासँगै हालसम्म कोरोनाबाट मृत्य हुनेको संख्या ११ हजार ९५२ रहेको छ ।
नेपालमा हाल २१७ जना सक्रिय संक्रमित रहेका छन् । ती मध्ये २१६ जना होम आइसोलेशन र १ जना संस्थागत आइसोलेशनमा रहेका छन् । आज आइसीयु र भेन्टिलेटरमा उपचार गराउनेको संख्या शून्य रहेको छ ।
त्यस्तै पछिल्लो २४ घण्टामा ३० हजार ६५६ मात्रा कोरोना भाइरसविरुद्धको खोप लगाइएको छ ।
वि.सं.२०७९ वैशाख २१ बुधवार १७:०२ मा प्रकाशित
