हामी सबैकाे संसारन्यूज

अम्बर बहादुर बिक ‘अभागी’
चौदण्डिगढी न.पा.३, उदयपुर
हाल दोहा कतार

१
हिँड्ने बेला नानिको हात फुकि दिन्छु सँगै सातो जाला
मुटुको टुक्रा छोडेर जाँदैछु न हान्नु यो छातीमा भाला
नजाउँ प्रदेश भने पनि स्वदेशमा रोजगार पाउन गा¥हो
सारा घर व्यवहार र जिम्मेवारीको भिरेर जादैछु माला ।

२
प्रचण्ड गर्मीले खाडीमा म कामदार ढलेको बेला
तातो घाममा कामको चापले ज्यान गलेको बेला
कसले बुझ्ने पीडा मरुभूमिमा छैन कोहि आफन्त
अत्यास लाग्छ पानी नपाउँदा आँत जलेको बेला ।

३
यताको माया बासी उता माया तिमीलाई ताजा भयो
कस्तो बाँडिने रहेछ तिम्रो माया हेर्दाहेर्दै साझा भयो
आफ्नै मान्छे वैरी हुँदा, कसले देख्छ यो मन रुँदा
हेरेर नअघाउने आँखाले मन बिझाउने काँडा भयो ।

४
दलाललाई फकाई–फुलाई लाखौं तिरेर बिदेश छिर्नुपर्छ
कोही त कमाएर आउँछन कोही बाकसमा फिर्नुपर्छ
धनीलाई चैन गरिबलाई ऐन छ देशको नीति नियम कस्तो
मर्दा कात्रो देखी सरकारलाई लाशको पनि कर तिर्नुपर्छ ।

६
आजभोली जताततै सरसमानको भाउ बढेको छ
घर चलाउन पनि दिनदिनै ऋणले साहु बढेको छ
गरिबको व्यथा सरकारको ढुकुटी मर्नेलाई के थाहा
सोध उसलाई जस्को पीडाले मुटुमा घाउ बढेको छ ।