हामी सबैकाे संसारन्यूज

ममता मृदुल,विराटनगर, मोरङ
हाल काठमाडौं

यति धेरै माया नगर सम्बन्ध टुट्न सक्छ । बारम्बार राजाले भनेको सुनेकी छिन रानीले ।

छक्क पर्छु माया गर्दा सम्बन्ध टुट्छ झन उ अचम्म मान्थिन र भन्थिन । एकदिन सम्बन्ध सकिएको घोषणा गर्यो राजाले, रानी मौन बसिन् ।

राजा अगाडि बढ्यो । सम्बन्धका खातमाथि खात थप्दै गयो । खुसी आनन्दको खोजीमा निस्केको राजासँग सबै सम्बन्ध गास्थे । रानी एक्लै जीवनको रथ तान्न थालिन् । समय फेरि फर्कने छैन । दृष्टिकोण परिवर्तन हुने छैन रानीले सोचिन् ।

अस्पतालको शैथ्यामा सुतेको राजाका औला हाते फोनमा सल्बलायो । ‘रानी म वीर अस्पतालको सर्जीकल वार्डको सत्र नम्बर ।’ रानीले फोन काटिन् ।

‘गल्ती मेरै थियो अति माया गर्ने रानीको प्रेम बुझ्न सकिनँ !’ राजाको आँखाबाट तप्प–तप्प आँशु झरे । भित्ता पट्टी फर्किए राजा मनमा कुरा खेलाउँदै सुते ।

बिहानै ब्युझिए । एकपाटो सुतेको शरीर थाकेछ फर्किए । गोडामुनि सिरान पारेर स्टुलमा मस्त रानी निदाइरहेकी थिइन् ।