हामी सबैकाे संसारन्यूज

गोठालो काशिराम, ढकारि –१ रिमा,अछाम

१
यो कस्तो अनौठो व्यथा छातिमा, हुन्छ
न कुनै राहत मिल्छ न त बिमा, हुन्छ
बेला बेला दुख्छ दिल कुटुकुटु पारी
न यसको समय हुन्छ न सिमा, हुन्छ ।

२
बल बुद्धि चाहिन्छ कठोर मन, चाहिन्छ
दुःख पिडाहरु सहने शक्ति झन, चाहिन्छ,
यो प्रेम गरेर मात्र हजुर चल्दैन जिन्दगी
अलिकति गोजीमा पनि त धन, चाहिन्छ ।

३
मान्छेहरुका पनि अनेकौं चित्र, हुन्छन्
कोही आँखामा कोही दिलभित्र, हुन्छन्
यो जिन्दगीको सफरमा एक्लै हिड्नु पर्छ
न यहाँ आफन्त हुन्छन् न त मित्र, हुन्छन् ।

४
जब जब यो सम्बन्धमा दुरी, पर्छ
बाध्यताले जिउन मजबुरी, पर्छ
दिल लुटेर लिने मान्छेका बिरुद्ध
न कानुन लाग्छ न त उजुरी, पर्छ ।

५
रहर लागेसम्म मनमा आस, चलेसम्म
खडेरी परेसम्म, झरि बतास, चलेसम्म
जिन्दगीमा कति कति कठिनाई झेल्नुपर्ने
आखिर प्राण रहेसम्म यो साँस, चलेसम्म ।