Sansar News
काठमाडौं । सयपत्री हाइड्रोपावर कम्पनीले आयोजना प्रभावित स्थानीयका लागि निष्काशन गरेको आईपीओ बाँडफाँड गरेको छ । सोमबार बिक्रि प्रबन्धक एनआईबिएल एस क्यापिटलले शेयर बाँडफाँड गरेको हो ।
क्यापिटलका अनुसार आईपिओमा रितपूर्वक आवेदन दिने आवेदकलाई १ लाख ७८ हजार ९ सय ४० कित्ता शेयर बाँडफाँड गरिएको छ । कम्पनीले असार २ गतेदेखि असार २४ गतेसम्म आईपिओ निष्काशन गरेको थियो । कम्पनीले पहिलो चरणमा आयोजना प्रभावित बाग्लुङ जिल्लाको ताराखोला गाउँपालिका र गल्कोट नगरपालिकाका स्थानीयका लागि आईपिओ निष्काशन गरेको हो ।
कम्पनीले उल्लेखित स्थानका स्थानीयलाई ३ लाख कित्ता शेयर निष्काशन गरेकोमा १ लाख ७८ हजार ९ सय ४० कित्ता मात्रको लागि आवेदन परेको हो । अब बिक्रि नभएको १ लाख २१ हजार ६० कित्ता सर्वसाधारणलाई बिक्रि हुने छ । अब सर्बसाधारणलाई कुल ७ लाख २१ हजार ६० कित्ता शेयर निष्काशन हुने छ ।
नेपाल धितोपत्र बोर्डले सयपत्रीलाई जेठ १८ मा शेयर निष्काशनको अनुमति दिएको हो । सयपत्रीले आयोजना प्रभावित स्थानीय र सर्बसाधारणई गरि ९ करोड बराबरको ९ लाख कित्ता शेयर निष्काशनको अनुमति पाएको हो ।
कम्पनीले दरम खोला ‘ए’ हाइड्रोपावर योजना वाग्लुङ जिल्लामा सञ्चालन गरिरहेको छ ।
वि.सं.२०७९ साउन ३ मंगलवार १३:४१ मा प्रकाशित
