Sansar News
काठमाडौं । सयपत्री हाइड्रोपावर कम्पनीले सर्वसाधारणका लागि साउन १३ गतेदेखि साधारण शेयर आईपीओ निष्काशन गर्ने भएको छ । कम्पनीले सर्वसाधारणका लागि ६ लाख कित्ता शेयर छुट्याएकोमा आयोजना प्रभावितले खरिद नगरेको १ लाख २१ हजार ६० कित्ता शेयर थपेर कुल ७ लाख २१ हजार ६० कित्ता शेयर निष्काशन गर्न लागेको हो।
जसमध्ये ३६ हजार ५३ कित्ता सामुहिक लगानी कोषको लागि सुरक्षित गरिएको छ भने १४ लाख ४ सय २१ कित्ता शेयर कम्पनीको कर्मचारीको लागि छुट्याईएको छ । बाँकि रहेको ६ लाख ७० हजार ५ सय ८६ कित्ताको लागि सर्वसाधारणले आवेदन दिन सक्ने छन् । आवेदन दिंदा न्युनतम १० कित्ता र अधिकतम ३० हजार कित्ताको लागि आवेदन दिन सकिने छ । लगानीकर्ताले साउन १७ गतेसम्म आवेदन दिन सक्ने छन् ।
नेपाल धितोपत्र बोर्डले सयपत्रीलाई जेठ १८ मा शेयर निष्काशनको अनुमति दिएको हो । सयपत्रीले आयोजना प्रभावित स्थानीय र सर्वसाधारण गरि ९ करोड बराबरको ९ लाख कित्ता शेयर निष्काशनको अनुमति पाएको हो ।
कम्पनीले दरम खोला ‘ए’ हाइड्रोपावर योजना वाग्लुङ जिल्लामा सञ्चालन गरिरहेको छ । कम्पनी शेयर निष्काशनको लागि एनआईबिएल एस क्यापिटल बिक्रि प्रबन्धक रहेको छ ।
वि.सं.२०७९ साउन ४ बुधवार १२:२२ मा प्रकाशित
