हामी सबैकाे संसारन्यूज

विनोद कुँवर अध्यक्ष रहेको गैरआवासीय नेपाली संघ(एनआरएनए)ले बेल्जियममा संघको तदर्थ समिति गठन गरेको छ ।
सेप्टेम्बर ६ मा सम्पन्न एक भेलाले पदम गुरुङको संयोजकत्वमा गैरआवासीय नेपाली संघ (एनआरएनए) बेल्जियम तदर्थ समिति गठन गरेको हो ।

संघकी महासचिव जानकी गुरुङ तथा युरोप क्षेत्रका क्षेत्रीय संयोजक उल्का घिमिरेको होम कन्ट्री बेल्जियममा गैरआवासीय नेपाली संघ बेल्जियम तदर्थ समिति गठन गरिएको सचिव कृष्ण केसीले जानकारी दिए । उक्त तदर्थ समितिको सल्लाहकारमा एनआरएनए बेल्जियमका पूर्व अध्यक्ष सल्लाहकार रहने व्यवस्था छ ।

संघकी महासचिव जानकी गुरुङ, युरोप क्षेत्रका क्षेत्रीय संयोजक उल्का घिमिरे र त्यस क्षेत्रका थुप्रै पदाधिकारीहरुले बेल्जियम तदर्थ समिति गठनमा योगदान गरेका छन् । तदर्थ समिति गठनमा बेल्जियमका पूर्व अध्यक्ष र पूर्व आइसीसी सदस्य समेतको उपस्थिति र सहयोग रहेको थियो।

मार्च २२(२५, २०२२ सम्म काठमाण्डौको होटल याक एण्ड यतिमा सम्पन्न गैरआवासीय नेपाली संघ अन्तराष्ट्रिय समन्वय परिषद(एनआरएनए आइसीसी) को १० औं महाधिवेशनबाट निर्वाचित बिनोद कुँवरको अध्यक्षतामा निर्वाचित नेतृत्वले सहकार्यमा काम गर्न आउने देशमा सोहि गैरआवासीय नेपाली संघसँग काम गर्ने र नआउने देशमा तदर्थ समिति गठन गर्दैजाने निर्णय गरेको थियो।

त्यसैअनुरुप सबै देशका एनआरएनएहरुलाइ मे १५, २०२२ सम्म जवाफ दिन भनेर ३ हप्ताको अग्रिम इमेल पठाइएको र तत्पश्चात बिश्वका केहि देश सहकार्य गर्न तयार भएका हुन् । बाँकी देशहरुमा पनि तदर्थ समिति गठन गर्ने कार्य तिब्र रुपमा गरिएको बताइएको छ।