हामी सबैकाे संसारन्यूज

डलरले ह्यापिनेस दिन्छ र खुशि छर्छ भनेर डलर कमाउन अमेरिका छिरेका नेपालिहरु डलरले खुशी किन्न सकिदोरहेनछ भन्नेमा पुगिसके २–५ बर्ष अमेरिकी हिलोमा भासिसकेका नेपालिहरु ।

धेरैजसो ड्रिमको डलर भनेजस्तो मनग्गे कमाउन तल्लिन हुदाहुदै अस्ताइसके । कतिपय त मानसिक रोगको शिकार भैसके । कोहि जड्याहा भैसके लिभिङ्ग विथ डलर ड्रिमसङ्गै । कतिपय कौडा र क्यासिनोमा डलर, फन र सम्बृद्दि खोज्दाखोज्दै अस्ताउने अस्ताउने अबस्थामा पुगिसके । अधिकाशले अबसरको पथ रोज्नै सकेनन र कतिपयले भेगै पाउन सकेनन । अधिकाशको त ऋण, त्यसको ब्याज र सावा तिर्दातिर्दै तिनका तनखा घरमा भित्रिन पाउदा नपाउदै ठुलै चोइटो बाटैमा रित्तिसकेको हुन्छ ।

फेरि भेटेका, देखेका, सुन्नमा आएका, गुनासो पोख्न आएका, पीडा पोख्न आएका सबैको हालत हेर्दा कोहि कोहिसङ्ग ह्याप्पि नै छैन । ह्यापि बुझ्न नसक्ने जमातमा ह्याप्पिनेस खोज्दाखोज्दै बिबेक गुमाउने र गुमाउने तरखरमा रहेका थुप्रै भेटे मैले ।
डलर कमाउन त्यति सार्हो कहा सजिलो छ र ? माग्ने, हात थाप्ने र बाड्दा बाड्दै रित्तो हुने अभागि नेपालीहरु अझै समुन्नतिको सपनामा रल्लिरहेका छन् ।

एउटा भन्छ ५ बर्ष भयो, अर्को भन्छ मेरो त १० बर्ष भएछ, अर्को भन्छ १५ बर्ष र कतिले भन्छन मेरो २ दशक नाघ्यो अमेरिकामा डलरको सिला खोज्न हिँडिरहेको । अनि झल्यास हुन्छ ला ! बर्बाद भएछ मेरो जिन्दगि । म त बर्बाद भएछु । न त डलर छ, न त सन्तान छन साथमा, न त शरिरमा इनर्जि नै, न त बैङ्क खातमा डलर, न त पेड अफ घर, न त तनाखा नियमित नै र न त कमाउदा, हुदाखादाका भाइसाथि नै ।

उर्जा, समय, रिसोर्स र इच्छा शक्ति हुदा बाटो भेटेन अबसरको । न त देखाइदिने मानिस नै । जब अबसरको बाटो भेटेन त्यतिबेला तपाइ एक्लो हो र डलरले पनि साथ छोड्यो । जब कमाइ र आयआर्जनको स्रोत हुन्न अमेरिकामा यो मुलुकमा बस्नु धिक्कार छ । जसले अबसर, समय, उर्जा र इच्छा शक्ति बुझ्यो उसलाइ अमेरिकाले दिन्छ । तर कसरि दिन्छ ? कसरि यो मुलुकमा डलर पनि हुने र ह्याप्पिनेस पनि त्यो चाहि सोध्नुहोस् । म सधै तपाइहरुको समुन्नति र उभो बाटोको लागि सारथि थिए, छु र रहिरहनेछु अन्तिम सास रहदासम्म ।