Sansar News
जापान। जापानमा अध्ययनरत एक नेपाली युवाको सुतेकै अवस्थामा मृत्यु भएको छ ।
नुवाकोट घर भइ जापानको नागोयास्थित आइची कोकुसाइ निहोङो गक्कोमा अध्ययनरत २७ वर्षीय नवराज वाग्लेको सुतेकै अवस्थामा मृत्यु भएको हो ।
बिहान खाना खाएर सुतेका वाग्ले बेलुका मृत अवस्थामा फेला परेको बताइएको छ ।
नेपाल विद्यार्थी संघ जापानका अध्यक्ष अजय रानाले वाग्लेको निधनप्रति दुःख व्यक्त गर्दै उनको दाहसंस्कार तथा परिवारको सहयोगका लागि जापानवासी नेपालीबीच आर्थिक सहयोग गर्न अपिल समेत गरेका छन् ।
‘सहयोगको लागि मृतकको खाता उपलब्ध गराए पनि फुरिकोमीमा समस्या आएकोले मृतका भाई जयराम वाग्ले (12080–17812931) को खातामा सहयोग उपलब्ध गराइदिनु हुन हार्दिक अपिल गर्दछौ ।’ रानाले भनेका छन् ।
उनी ६ महिना अघि मात्र अध्ययनका लागि जापान पुगेका थिए ।
वि.सं.२०७९ मंसिर २५ आइतवार १३:४५ मा प्रकाशित
