हामी सबैकाे संसारन्यूज

काठमाडौं । गैरआवासीय नेपाली संघ (एनआरएनए)ले पोखरामा भएको विमान दुर्घटनाप्रति शोक व्यक्त गरेको छ ।

काठमाडौंबाट चालक दलका चारजनासहित ६८ जना यात्रु लिएर आइतबार पोखराका लागि उडेको यती एयरलाइन्सको एएनसी एटीआर ७२ जहाज दुर्घटनाको खवरले संघले स्तब्ध भएको जनाएको छ ।

संघले यस दुखद् र त्रासदीपूर्ण दुर्घटनाको तत्कालै प्रभावकारी रुपमा उद्दार कार्य अघि बढाउन र दुर्घटनाको तत्तकाल छानविन गर्नको लागि नेपाल सरकारसँग अनुरोध गरेको छ । साथै, आगामि दिनमा हवाई दुर्घटना हुन नदिन अनिवार्यरुपमा प्राविधिक अनुगमन गर्न र हवाई उड्डयन क्षेत्रको सुरक्षाको ग्यारेन्टी गर्न समेत आग्रह गरेको छ ।

संघकी कार्यकारी अध्यक्ष रविना थापा तथा अध्यक्षद्धय डा बद्री केसी र कुल आचार्यद्वारा आइतबार जारी विज्ञप्तिमा भनिएको छ, ‘घटनाबाट निधन भएका व्यक्तिहरुको परिवारजनप्रति हार्दिक समवेदना प्रकट गर्दै दिवगंत आत्मा प्रति चीरशान्तिको कामना गर्दै भावपूर्ण श्रद्धाञ्जली अपर्ण गर्दै घाईतेहरुको शिघ्र स्वास्थ्यलाभको कामना गर्दछौं ।’