Sansar News
भुपाल अधिकारी, विराटनगर
चितालाई सधैं आगो नलाई राख्न मिल्दैन
यहाँ मुर्दाहरु छन मुस्कुराई राख्न मिल्दैन
तिमीले चोट धोका या अरू जे जे दिए हुन्छ
यो छातीमा कुनै खन्जर धसाई राख्न मिल्दैन
नपालेको भए हुन्थ्यो तिमीले प्रेमको रोग
सिरानीमा सधैं त्यस्को दबाई राख्न मिल्दैन
कयौं हुन्छन नमिल्ने प्यारमा के भन्नु मैले लौ
नयन भित्रै बदनको प्यास आई राख्न मिल्दैन
नआए भो हमेशा चोर बाटो जिन्दगीमा नै
तिमीलाई यो मन मुटुमा सजाई राख्न मिल्दैन
बहर : हजज मुसम्मन सालीम
अर्कान ; १२२२ १२२२ /१२२२ १२२२
वि.सं.२०७९ चैत २५ शनिवार ०८:५३ मा प्रकाशित
