Sansar News
सविता के.सी, काठमाडौं
१
जीवन दुख्यो
एउटा नाता थियो
आज नै टुट्यो ।
२
पापी संसार
नपरोस् है जन्मन
फेरि अन्मन ।
३
दुर्गा गुरुको
परेर मातृ शोक
कति रुनु भो ।
४
दैव यस्तै छ
हेरी ल्याउँ सबैको
पालो गन्दैछ ।
५
मन नमार्नु
हुने कुरा हुन्छ नै
कैल्यै नहार्नु ।
६
समय भन्छ
एकएक गरेर
औँलामा गन्छ ।
७
दुःख पीरमा
बहकिन्छ हृदय
हुन्न सुरमा ।
८
मन बाँधेर
झारीदिनु नयन
बेला सम्झेर ।
९
मर्नु हुँदैन
समयले तार्ने छ
आफैँ लाने छ ।
१०
बाटो टाढा छ
हिँडेर पुग्ने हैन
माया गाढा छ ।
वि.सं.२०८० जेठ ६ शनिवार ०८:५५ मा प्रकाशित
