Sansar News
प्रेम थापा ’मन’, बागलुङ
१.
श्रमको फल बन्न फूल अवश्य फुल्दछ
पौरखी हात चलेपछि जीवन खुल्दछ ।
२.
तिम्रो मुहार मलिन भइ नबोल्दा मन जल्छ
एक्लैमा सपनाको घर गर्ल्याम गुर्लुम ढल्छ ।
३.
देश सौम्य बनाउन, कञ्चन मन लगाउनु
प्रतिभालाई प्रेरणा दिई मस्तिष्क जगाउनु ।
४.
निखारता नै प्रिय हुने भए धुपकी खानी जनाउथें
सुन्दरता नै प्रेम हुने भए, रुपकी रानी बनाउथें ।
५.
आफ्नो मान खोज्नेले अरुको अपमान गरेको पनि देखियो
अब बिर्सन्छौ वा बिर्सन्नौ, तर त्यो कथा इतिहासमा लेखियो ।
वि.सं.२०८० असार १६ शनिवार ०८:५२ मा प्रकाशित
