हामी सबैकाे संसारन्यूज

सुशीला शर्मा धमला
ओखलढुङ्गा, हाल–काठमाडौं

चिनायौ नेपाली परिचय रह्यो विश्व भरमा
प्रतिष्ठा जोगायौ असल कुलको सभ्य घरमा
तिमी नै धर्ती हौ सकल जगका मालिक तिमी
तिमी नै द्यौता हौ अमर रचना सर्जक तिमी ।१।

थियौ आज्ञाकारी निपुण अति राम्रो द्रुत कवि
उठायौ रम्घाको कुशल चतुरो भै–कन छवि
पुकारा गर्दैछौँ रबि किरणका प्रापक तिमी
उषाको लाली झै मृदु हृदयका निर्मल तिमी ।२।

नयाँ पाना थप्दै अविरल बगेथ्यौं तनहुँमा
सफा मिठो आभा नयन रसमा बग्दछ ममा
बगेको पानी झै सललल बगी ज्ञान लहरी
पुगेका कास्कीमा सरस सपना ज्योतिष धरी।३।

अहो!घाँसी तिम्रो सरलपनको शान्त दिलमा
उदायौ बाणीझैँ विपुल नभ यद्वा निखिलमा
दिई शिक्षा राम्रो अझ गहिरिदै सज्जन बनी
सबैमा फैलायौ सहज सृजना चित्रण पनि ।४।

तिमी छायौ रामायण स्वरुप जीवीत् भुवनमा
हटायौ आत्माको कुरुप तनको ज्योति मनमा
दियो हौ आशाको गगन छुन पुग्यौे युगयुयौँ
सफा यो नेपाली मनमुटु भित्र पुज्न म सकौँ ।५।
छन्द ः शिखरिणी