हामी सबैकाे संसारन्यूज

निम्ब तरु, अर्घाखाँची

जीवनको मध्यान्तर भयो
टिनिनि घण्टी बज्यो
पर्दा उठ्यो
यतिञ्जेल हेरियो फिलिम

जीवनको इन्टर्भल

पिसाब गर्न गइरहेको छु
कोही पपकर्न खान थाल्दैछन्
कोही पान चबाउन शुरु गरे
कोही एउटै आइसक्रिम चाट्दैछन्
पर्दा बाहिर

जीवनको जो मध्यान्तर छ
त्यो गाडीको ब्रेकजस्तो
जीवन र मृत्यु बीचको निमेषभरको अन्तरालजस्तो
प्रेम र विछोडबीचको शुन्यताजस्तो
भीषण युध्द बीचको बिराम जस्तो
मन र मुटु बीचको अन्तरजस्तो
मजदुरको टि –ब्रेकजस्तो
स्कुलको टिफिन ब्रेकजस्तो
आपतको क्षणिक राहतजस्तो
पर्खाईको खालीजस्तो
लाग्छ ।

कति छिटो पुनःघण्टी बज्यो टिनिन
जबरजस्ती जोडियो कथा जीवनको फिलिममा
सरर पर्दामा देखियो कथा जीवनको
हो नै हो म नै हो त्यो
समाप्त
पर्दामा देखियो स्पष्ट ।