हामी सबैकाे संसारन्यूज

मोहन गौतम, राङ्का गान्तोक सिक्किम

घसेर लाली चिटिक्क पर्छिन् अचेल भिन्नै छ चाल उनको
सदैव सानी बजार झर्छिन् अचेल भिन्नै छ चाल उनको

सुटुक्क आई मुसुक्क हाँस्दै भुतुक्क पर्ने छ कस्तो बानी
भो बुझ्न गाह्रो के कर्म गर्छिन् अचेल भिन्नै छ चाल उनको

सधैँ मलाई नछोड भन्थिन् कतै म हिड्दा अगाडि लाग्थिन्
मुहार छोप्दै पछाडि सर्छिन् अचेल भिन्नै छ चाल उनको

लजालु सानीले खुब मसङ्ग निमेषभर टाढा हुन्न भन्थिन्
भो पीर कर्केर नेत्र तर्छिन् अचेल भिन्ने छ चाल उनको

रुची अनौठो देखेर उनको , म मख्ख पर्दै छु आजभोलि
छरेर अत्तर सुवास छर्छिन् अचेल भिन्नै छ चाल उनको

बहर ः जमिल मुसम्मन सालिम
अर्कानः १२१२२–१२१२२– १२१२२– १२१२२
काफियाः अर्छिन्
रदिफः अचेल भिन्नै छ चाल उनको