Sansar News
कृष्णप्रसाद पौडेल (के.पी. पौडेल)
१.
गर्छु जपन
उपस्थित सबमा
मेरा नमन ।
२.
कुरा बुझौँ न
रोगी दुखीहरूका
सेवा गरौँ न ।
३.
सुन्दै छौँ हामी
हाम्रा गुरु तिलक
छन् है बिरामी ।
४.
राम्रा सर्जक
चारै वेद वाचक
हुन् ती तिलक ।
५.
हुन् ती साधक
चारै वेद ग्रन्थका
अनुवादक ।
६.
यस्ता नायक
बिरामी छन् अहिले
सच्चा सर्जक ।
७.
उम्दा गरिमा
सहयोगी हातको
हुन्छ महिमा ।
८.
सुनौँ बात यो
बिरामीको सेवा नै
हाम्रो धर्म हो ।
९.
मिलोस् तागत
सहयोगी हातका
गरौँ स्वागत ।
१०.
कुरा सुन्दैनन्
सरकार प्रज्ञाले
किन हेर्दैनन् ।
वि.सं.२०८० मंसिर २३ शनिवार ०७:५३ मा प्रकाशित
