हामी सबैकाे संसारन्यूज

दीपक ठटाल ‘जलन’,खरसाङ, भारत

१.
लक्ष्मी प्रसाद देवकोटाले बहाइदिए काव्यको धारा
नेपाली मात्रमा चेतना जगाउने लागेको अभिभारा ।

२.
लेखनाथको कवितामा आध्यात्मिकता पाउँछौं
जसको साहित्यिक महिमा हामी सबै गाउँछौं।

३.
बालकृष्ण सम थिए राणा खलकका कवि
साहित्य लेखेरै सुधारे उनले आफ्नो छवि ।

४.
रिमालले कविता र नाटकबाट क्रान्ति ल्याए
धन्य हुन् नेपाली जसले उनको कुरा पत्याए।

५.
भूपि शेरचनमा थियो कविताको प्रखर सीप
जलाइदिए आधुनिक कविताको उज्यालो दीप ।

६.
पाइन्छ अगमसिंह गिरीको कवितामा जातीय भाव
तैपनि अहिलेको गोर्खा जाति भएका छन् आव न ताव।

७.
आयामेली कविता लेखे वैरागी काइँलाले
बुझ्न सकेन ती कविता हजूर साइँलाले।