Sansar News
पद्मा रिजाल, नेपालगञ्ज, बाँके
मेरो पछाडि ढुङ्गा हान्ने जो छौ लुकेर
आऊ हियार हाम्रा माझौँ सगैँ बसेर
सुन्दर अवश्य बन्लान् पाटा यी जिन्दगीका
आऊ मथौँ पियारी सुख दुःख सब मिलेर
ओझेल छन् परेका जिउँदा सहिद मुलुकमा
नेता रमाउँदै छन् सालिकहरू पुजेर
तिम्रा नजरले जहिल्यै कमजोरी मात्र देख्छन्
संसार जित्न सक्ने हिम्मत म मा छ हेर
माया म गर्छु भन्दा पत्यार छैन भन्छौ
हेर्छौ भने देखाउँछु छाती मेरो चिरेर
बहर : मुजारे मुसम्मन अखरब
अर्कान : २२१ २१२२ / २२१ २१२२
काफिया : एर
वि.सं.२०८० पुस २८ शनिवार ०८:२९ मा प्रकाशित
