शीतल निश्चल,लप्सीबोट, गोरखा
साथमा छैन छुटेको छ अधर के होला,
आज खोजेर पिएको छु जहर के होला ?
आगनीमा छ सुकेको अनिकालको विस्कुन,
घुम्छ बादल र सधैँ गर्छ सफर के होला ?
बल्छ बत्ती पुतली आई घुम्छ उज्यालोमा,
रापमा जल्छ कठै ! मर्छ कसर के होला ?
वरवधू अग्निकवज आरधनागरि जान्छन् ,
प्रेममा आँचल बाँधिन्छ कदर के होला ?
काँधमा काँध नहोला, मुटुमा राख्नेछु,
बाध्यता हुन्छ उचाल्ने छु पयर के होला ?
बहर : रमल मुसम्मन मख्बुज मक्तुव ’ख’
अर्कान : २१२२ – ११२२ – ११२२ – २२
वि.सं.२०८० माघ १३ शनिवार ०७:३० मा प्रकाशित






























