Sansar News
उत्तम विचार,काठमाडौं
भयो बर्षौँ तिमीले मलाई बिर्सिएको
र मैले मात्र बेकार लाग्यो सम्झिएको ।
छु दाम्लोमा भनी बिर्सिए छन् वस्तुले पनि
न बिर्सेको भए याद हुन्थ्यो मच्चिएको ।
झर्यौ बर्खे झरीझैँ छ बढ्दो भेलबाढी
छ तिम्रो बैंसको छाल उस्तै उर्लिएको ।
दूरी बढ्दो छ तिम्रो र मेरो आजभोलि
शिशिरको घामजस्तै छु आफैँ टाढिएको ।
बनी आजाद पक्षी सुनायो त्रासको क्षण
भुलेको छैन बन्दी बनाई राखिएको ।
बहर : अरिज
अर्कान : मुफाईलुन्, फऊलुन् = २
वजन : १२२२ – १२२ – १२२२ – १२२
काफिया बन्धन : इए
तहलिली / बद्ध रदिफ : को
वि.सं.२०८० फागुन ५ शनिवार ०७:५९ मा प्रकाशित
