हामी सबैकाे संसारन्यूज

सत्यताको ‘कहिले मिलन कहिले बिछोड’ तथा सत्यता २ को कस्तो माया लाईयो हजुर बोलका गीतहरु नेपाली स्रोता र दर्शकहरुले अत्याधिक रुचाउनु भएका गीतहरु हुन् । यी गीतका गीतकार हुन गोबिन्द प्रसाद उपाध्याय र गायिका हुन्, अन्जु पन्त ।

गीतकार उपाध्याय र गायिका पन्तको सहकार्यलाई नेपाली स्रोता र दर्शकहरुले धेरै प्रसम्शा र माया दिएका छन् । यो जोडी ऐले को साङितीक बजारमा हिट जोडी देखिएको छ । त्यसैले सत्यता ३ को गजल ‘बहारमा रमाउने’ आजकल ज्यादै लोकप्रिय भएको छ ।

“बहारमा रमाउने प्यास बाँकी छ अझै
तिमी फेरी आउने आश बाँकी छ अझै”

अञ्जु पन्तको स्वरमा रहेको यो गीतको अहिरले अमेरिकाका रमणीय स्थानहरुमा छायाँकन सम्पन्न भएको छ । अमेरिकाका बसोबास गर्ने नेपाली मोडेलहरु रेम न्यौपाने र रजनी थापाको अभिनय रहेको म्युजिक भिडियोको निर्देशन अमेरिकामै बसोबास गर्ने निर्देशक सुमन दाहालले गरेका छन् ।

गित लेखनमा धेरै पुरस्कार पाइसकेका चर्चित गितकार गोबिन्दप्रसाद उपाध्यायका शब्दलाई चर्चित गायिका अञ्जु पन्तले स्वर दिएकी छिन् भने गीतमा संगीत पत्रकार कुसुम भट्टराईले भरेका छन् । उपाध्यायको एल्बम ‘सत्यता–३’ मा यो गित समेटीएको छ ।

म्युजिक भिडियोमा अभिनय गर्ने मोडल रेम भुटनीज कम्युनिटी युटा, अमेरिकाका अध्यक्ष हुन भने रजनी पुर्व मिसेज नेपाल र मिसेज हेरिटेज हुन् ।

इश्वर प्रवासीले छायाँकन गरिरहेको म्युजिक भिडियो अब केही दिनमै रिलिज हुने निर्देशक सुमन दाहालले बताए ।
गीतकार उपाध्यायको तेस्रो एल्बम “सत्यता-३” को बिक्री बितरण तथा बजार ब्यवस्थापन भाईब्स क्रियशन नेपालले गरेको छ ।