हामी सबैकाे संसारन्यूज

निम्बतरु, अर्घाखाँची

नासिकाबाट सलसली पानी बग्यो
ओष्ठ चिसो भयो
नासिका फुकालें
माघे घाममा तगारो नेर टाँगेर सुकाईदिएँ ।

बार–बार छिँक
हाँच्छिउँ
नासिकाबाट बग्न बित्तिकै पानी
रुमालले पुछिहाल्नुपर्ने
नासिकाको डाँडी नै रातो भएर बिछट्टै !
अहो !

सधैँ गन्ध सुँघेर हैरान
आज बन्द भएर थप्प
बाक्लिएको र जमेको
सिँगान स्खलन
चरम सकसको
गिदी नै निरन्तर बगेजस्तो

बाक्लो बिग्रेको दहीजस्तो
अस्वाभाविक नुनिलो स्वाद
केटाकेटी ताका स्वात्त ! सिलित्त ! जीब्रोले तानिथ्यो

बाहुलाले पुछ्दा पुछ्दा
बाहुला कलेटी परेर कालो कालो ।

चासोको खटपट
नासिकाबाट चुहिदै ओठभरि
सोझो बाच्छा मन अल्मलिदै अल्मलिदै
जीब्रो निकालेर बसेको छ न्यूरोडमा ।