back

भोट हाल्न आतुर छन् मतदाता

वि.सं.२०७४ वैशाख २९ शुक्रवार

183 

shares
Global IME AD
NMB Bank Limited Long Ad Banner
तस्बिरः नारायण ढुंगाना, रत्ननगर(चितवन),
तस्बिरः नारायण ढुंगाना, रत्ननगर(चितवन),

२९ वैशाख, रत्ननगर (चितवन) । फिल्म निर्माता तथा पत्रकार रवि अधिकारीले भरतपुर महानगर वडा नं ५ तोरीखेतमा रहेको मतदान केन्द्रबाट आज अस्थायी मतदाता परिचयपत्र लिए । उहाँले नागरिकताका आधारमा आफूसँगै बुबा बृखबहादुर, आमा लीलावती, दिदी सम्झना र भिनाजु जङ्गबहादुर कुँवरको परिचयपत्र झिके ।
अधिकारी भन्छन – “स्थानीय निकायको निर्वाचन दुई दशकपछि हुन लागेकाले आफ्नो गाउँको विकास गर्ने नेता छान्नका लागि भोट हाल्न व्यग्र चाहना छ ।” भोट हाल्न आतुर रहेको बताउँदै अधिकारीले अरुलाई पनि आफ्नो मतदान गर्ने अधिकार प्रयोग गर्न आग्रह गरे । अब जितेर आउने जनप्रतिनिधिले गाउँठाउँको विकास गर्लान् भन्ने उनलाई ठूलो आशा छ ।
भरतपुरकै लक्ष्मी विकले पनि आजै मतदाता परिचयपत्र लिइन । उनलेले श्रीमान् र छोराको समेत मतदाता परिचयपत्र आफैले लिइन् । “मतदान त गर्नै प¥यो नि, त्यही भएर गर्मी नभनीकन परिचयपत्र लिन आएको हो,” उनले भनिन्।
दुई हजार ८९१ मतदाता रहेको तोरीखेतको मतदानस्थलमा तीनवटा मतदान केन्द्र रहेका छन् । चर्को घाममा मतदाताले लामो लाइनमा लागेर मतदाता परिचयपत्र लिए । तेरीखेतको बुथमा दुई हजार ८९१ मतदातामध्ये आजसम्म ५० प्रतिशत भन्दा बढीले परिचयपत्र लिइसकेका ‘ख’ मतदान केन्द्रका मतदान अधिकृत कृष्ण रायमाझीले जानकारी दिए ।
‘क’ मतदान केन्द्रका मतदान अधिकृत दीपककुमार दास नाता खुलेको कुनै पनि प्रमाणका आधारमा परिवारका सदस्यले परिचयपत्र लिन सक्ने बताउछन । कुनै प्रमाण फेला नपरेमा सर्वदलीय निर्णय गरेर प्रमाणित गरेपछि परिचयपत्र दिने गरेको उनले बताउनुभयो ।
कुनै समस्या परेमा दलहरुका स्थानीय प्रतिनिधिसँग परामर्श गरेर निर्णय गर्ने जिल्ला निर्वाचन अधिकारी हरि ढकाल बताउछन् । उनले आज नारायणी, बालकुमारी, मङ्गलपुरलगायत क्षेत्रका विभिन्न मतदान केन्द्रको स्थलगत निरीक्षण गरे ।
जिल्लामा तीन लाख १३ हजार दुई मतदाता रहेका छन् । “आजसम्ममा ५० प्रतिशत भन्दा बढीले मतदाता परिचयपत्र लिइसकेका छन्,” ढकालले भने । चितवनमा एक महानगरपलिका, पाँच नगरपालिका र एक गाउँपालिका गरी सातवटा स्थानीय निकाय रहेको छ । यहाँ ५०४ जना जनप्रतिनिधिका लागि दुई हजार २०३ जनाको उम्मेदवारी परेको छ ।

वि.सं.२०७४ वैशाख २९ शुक्रवार ११:२६ मा प्रकाशित

नेकपा एस तत्काल गठबन्धनमा सहभागी नहुने–नेता खनाल

नेकपा एस तत्काल गठबन्धनमा सहभागी नहुने–नेता खनाल

काठमाडौं । नेकपा एकिकृत समाजवादी पार्टी तत्काल नयाँ गठबन्धनमा सहभागी...

सशस्त्रका डीएसपी भान्सामा झुण्डिएको अवस्थामा मृत भेटिए

सशस्त्रका डीएसपी भान्सामा झुण्डिएको अवस्थामा मृत भेटिए

काठमाडौं । मोरङमा सशस्त्र प्रहरीका प्रहरी नायब उपरीक्षक (डीएपी) आफ्नै...

नयाँ सत्ता समीकरण : सिट बाँडफाँट र मन्त्रालयको टुंगो लगाउन बन्यो कार्यदल

नयाँ सत्ता समीकरण : सिट बाँडफाँट र मन्त्रालयको टुंगो लगाउन बन्यो कार्यदल

काठमाडौं । नयाँ सत्ता समिकरणमा सहभागी दलहरुबीच सिट बाँडफाँट र...

नयाँ सत्तासमिकरण : को–को बन्दैछन् त मन्त्रीहरु ?

नयाँ सत्तासमिकरण : को–को बन्दैछन् त मन्त्रीहरु ?

काठमाडौं । नयाँ सत्ता समिकरण बनेसँगै समिकरणभित्र रहेका दलहरुबाट मन्त्री...

सभापति देउवाले बोलाए केन्द्रीय कार्यसम्पादन समितिको बैठक

सभापति देउवाले बोलाए केन्द्रीय कार्यसम्पादन समितिको बैठक

काठमाडौं । नेपाली कांग्रेका सभापति शेरबहादुर देउवाले पार्टीको केन्द्रीय कार्यसम्पादन...

राष्ट्रिय सभाको बैठक फागुन २४ गते सम्मका लागि स्थगित

राष्ट्रिय सभाको बैठक फागुन २४ गते सम्मका लागि स्थगित

काठमाडौं । सोमबार दिउँसो १ बजेर १७ मिनेटका लागि बोलाइएको...