Sansar News
रोहित कुँवर,चितवन हाल–युएई
बिश्वास गर्नु भन्दै आशा दियो उसैले
जसको गरेँ भरोसा धोका दियो उसैले
ठक्कर कतै नलागोस् भन्थ्यो जो मुस्कुराई
उपहार फूल दिँदा काँडा दियो उसैले
हाँसो खुसी र माया भन्ने कुरा न रै’छ
पार्दै झरी नयनमा छाता दियो उसैले
कोरेर राख्छु तस्बिर दिलमा भनेर आज
च्यातेर एक खाली पाना दियो उसैले
संसार देख्छु सारा तिम्रा नजरले भन्दै
आँखा फुटाइ कालो चस्मा दियो उसैले ।
बहर : मुजारे मुसम्मन अखरब
अर्कान : मफऊल फाइलातुन मफऊल फाइलातुन
वजन : २२१ २१२२ २२१ २१२२
वि.सं.२०८१ जेठ २६ शनिवार ०७:०८ मा प्रकाशित
