back

लघुकथा : कुचोद्य

वि.सं.२०८१ असार १ शनिवार

543 

shares
RBB AD
NTC AD
Rastriya Swastha Sikshya Suchana Tatha Sanchar Kendra

मनीषकुमार शर्मा ’समित’
मध्यपुर ठिमी, भक्तपुर

तीने, सत्रे, चौंसठ्ठेको अचानक जम्का भेट भयो । एकै आमाका तीन सन्तानको भेट धेरै समयपछि भएको थियो ।

‘बल्ल स्वतन्त्रको सास फेरियो ।’ कान्छो भाइ चौंसठ्ठेले दाइहरूतिर कर्के नजर लगाउँदै कुटिल मुस्कानमा भन्यो ।

‘ए हो ? तेरो टाउकोमा रहेको सत्र हजारको भार हामीलाई थाहा छैन र । कमसेकम मैले त्यत्रो विताण्डव त मच्चाएको थिइन । उत्तरी र दक्षिणी छिमेकीलाई सन्तुलित राखेर कसरी घर व्यवहार चलाएँ मलाई थाहा छ ।’ माइलो सत्रेले व्यङ्ग्य कस्यो ।

‘तिमीहरूले जे सुकै भन । मैले जे गरे ठिक गरेँ । दिनरातको किचलो र रक्तपात भन्दा एकछत्र राज उपयुक्त थियो । मैले त्यस समय मैले घरबार नमिलाएको भए तिमीहरूले ढलीमली गर्न कहाँ पाउँथ्यौ ?’ जेठो तीनेले आफ्नो तर्क पेस गर्यो ।

‘ल भो भो धेरै खोक्नु पर्दैन । तिम्रा निसङ्कुशताको गाथाले अझसम्म पिरोलेको छ ।’ चौंसठ्ठेको चर्को स्वर आयो ।

‘तैले जस्तो आफ्नो सन्तानलाई सात समुद्रपार लखटेको त थिइन नि । ‘हजुर खान पाइन’ भन्दा एक छाक त पुग्नेगरि दिएकै थिएँ । अहिले खान पाइन भन्दा लात हान्छस् ।’ तीनेले चौसठ्ठेलाई काँचै खाउँला झैं गर्यो ।

तीनै भाइको को सक्षम ? को कुशल व्यवस्थापक ? भन्ने विषयमा चर्काचर्की पर्यो । उनीहरूको गलबदीमा डुबे । तल्लाघरे कान्छा काका हस्याङफस्याङ गर्दै आएर हकार्दै भने, ‘नालायकहरू, तिमीहरू गलफती गरेर बस । उता तिमीहरूकी आमालाई फेरि बेथाले च्यापेको छ ।’

 

वि.सं.२०८१ असार १ शनिवार ०८:१६ मा प्रकाशित

NLIC AD
NABIL bank AD
ADBL AD
तीनसय चारमध्ये मदन पुरस्कारका लागि  छानिय यी पाँच कृति

तीनसय चारमध्ये मदन पुरस्कारका लागि छानिय यी पाँच कृति

काठमाडौँ । मदन पुरस्कार गुठीले ‘मदन पुरस्कार २०८०’ का लागि...

लघुकथा : तरकारीको स्वाद

लघुकथा : तरकारीको स्वाद

मुरारीराज मिश्र, कुमारीगाल, काठमाडौं ’तिमीले पकाएको तरकारीको स्वाद किन यत्ति...

लघुकथाः अपकृत

लघुकथाः अपकृत

मनीषकुमार शर्मा ‘समित’ मध्यपुर ठिमी, भक्तपुर पितृलोकमा मातृपितृ आत्माहरू उत्साहमा...

कविता : जीवन बुझ्नै गाह्रो छ

कविता : जीवन बुझ्नै गाह्रो छ

विदुर अधिकारी, रामपुर, चितवन शान्ति धरामा, भाग्दै छ क्रोध असाध्यै,...

मु्क्तक

मु्क्तक

बाबुराम न्यौपाने 'उत्स'दमक, झापा १. लेखक साहित्यकार नत कार्यकर्ता नत...

सुसेली

सुसेली

उत्तम शर्मा 'दर्शन' पाँचखाल, काभ्रे १ युवा जोसमा गरौं काम...