Sansar News
काठमाडौँ । भारतको लोक सभाको सभामुखमा ओम बिरला चयन भएका छन् । उनी दोस्रो पटक लोक सभा सभामुख चयन भएका हुन् ।
भारतका प्रधानमन्त्री नरेन्द्र मोदीले उनको नाम पेस गरेका थिए । अमित शाह, नितिन गडकरी र राजनाथ सिंहले मोदीको प्रस्तावमा ओम बिरलाको समर्थन गरेका थिए । इण्डिया गठबन्धनले काँग्रेसका कोडिकुन्निल सुरेशलाई उम्मेदवार बनाएको थियो ।
सरकारको नेतृत्व गरेको भारतीय जनता दल (भाजपा)सँगै एनडीए घटक दलका नेताहरूले पनि समर्थन गरेपछि ध्वनि मतबाट उनी सभामुख चुनिए । काँग्रेससहितका विपक्षी दलहरू भने उनको विपक्षमा उभिएका थिए ।
वि.सं.२०८१ असार १२ बुधवार १२:२५ मा प्रकाशित
