Sansar News
नवराज भट्ट, कञ्चनपुर
तिमीलाई सागर छु ठानेको मैले
त्यहीँ मोती पाइन्छ जानेको मैले
गयो तिम्रो यौवन कुराकानी गर्दै
त्यसैले सिउँदो भर्न छानेको मैले
खुबै राम्रो हुन्थ्यो तिमी साथी बन्दा
बनी चुम्बक जस्तै हुँ तानेको मैले
भयो मेरो जीवन शिकारीको जस्तो
भरोसा तिम्रै खास मानेको मैले
अनेकौं छन् पीडा बताऊँ कसलाई
एकल काँटे जीवन छु धानेको मैले
बहर – अनुराग
वजन – १२२२ , २२ , १२२२ , २२
अर्कान – मुफाईलुन् फैलुन् मुफाईलुन् फैलुन्
काफिया – आ
तहलिली रदिफ – नेको
रदिफ – मैले
वि.सं.२०८१ असार १५ शनिवार ०८:१७ मा प्रकाशित
