Sansar News
सुशीला ढकाल अधिकारी ’श्री’
बानियाँटार, काठमाडौं
१.
तीज आएको
माइत जान मन
धेरै लागेको ।
२.
जान्छु माइत
स्वामी राजै दिनु है
छिट्टै साइत ।
३.
आलु तामाको
धेरै याद आउँछ
मेरी आमाको ।
४.
आमा दुःखी छिन्
छोराछोरी सम्झेर
धेरै रोकी छिन् ।
५.
भेट्न आउँछु
यो मनको तिर्सना
मेट्न आउँछु ।
६.
एक नम्बर
खुबै धेरै नाचौँला
भाँचि कम्मर ।
६.
बेथा कहेर
आफ्नो बह पोख्नुछ
जम्मा भएर ।
७.
दर खाएर
नाचौँ दिदी बहिनी
सारी लाएर ।
८.
तिजको बेला
शिवजीको मन्दिर
ठेलमठेला ।
९.
तिज आउँदा
मन मेरो फुर्कियो
खुसी छाउँदा ।
१०.
तिजको गीत
नाची गाइ रमाई
लगाऊँ प्रीत ।
वि.सं.२०८१ भदौ १५ शनिवार ०५:२४ मा प्रकाशित
