हामी सबैकाे संसारन्यूज

स्वर्ण शिखा, दाङ

जेल रित्तै छ सब खुलै छन् द्वार
मस्त निदमा छ देशमा सरकार

देखिँदै छ अचम्मको बदलाव
चल्न थाल्यो इमानको व्यापार

खास दुख्दै छ मेरो दिलको चोट
गर्छ डाक्टर दिमागको उपचार

चेहरामा छ खुब मिठो मुस्कान
भित्र दिलमा छ रागको भण्डार

खोज चाहे तिमीले धन या प्रीत
स्वर्ण हो त्यो सुहाउँदो उपहार

बहर :खफिफ मुसद्दस मख्बुन मुसक्किन मक्सुर
अर्कान : फाइलातुन् मफाइलु मफऊलु
वजन : २१२२ – १२१२ – २२१
अभ्यास : परिश्रमी पाठशाला ( बहर–छन्दशाला )